സത്യം ജയിച്ചു; താന്‍ തെറ്റ് ചെയ്തിട്ടില്ലെന്ന് ഉമ്മന്‍ചാണ്ടി

തിരുവനന്തപുരം: സോളാര്‍ കേസില്‍ സത്യം ജയിച്ചെന്ന് മുന്‍ മുഖ്യമന്ത്രി ഉമ്മന്‍ ചാണ്ടി. താന്‍ തെറ്റൊന്നും ചെയ്തിട്ടില്ല. വിധിയില്‍ സന്തോഷമുണ്ടെന്നും ഉമ്മന്‍ ചാണ്ടി പറഞ്ഞു.

സോളാര്‍ പദ്ധതി വാഗ്ദാനംചെയ്ത് 1.35 കോടിരൂപ വാങ്ങി വഞ്ചിച്ചെന്ന് കാണിച്ചാണ് വ്യവസായി എം.കെ കുരുവിളയാണ് ഉമ്മന്‍ചാണ്ടിയടക്കമുള്ളവരെ പ്രതിയാക്കിയത്. കേസിലെ അഞ്ചാംപ്രതിയായിരുന്നു അദ്ദേഹം.

ഉമ്മന്‍ ചാണ്ടിക്കെതിരെ മതിയായ തെളിവുകള്‍ ഹാജരാക്കാന്‍ പ്രോസിക്യൂഷന് സാധിച്ചില്ലെന്ന് കോടതി നിരീക്ഷിച്ചു. അതേസമയം, കേസിലെ ഒന്നു മുതല്‍ നാലുവരെയുള്ള പ്രതികള്‍ക്കെതിരെയുള്ള കേസ് തുടരും.